सिंहस्थ कुंभपर्वाची कामे वेळेत पूर्ण करावीत !

नाशिक – नाशिक-त्र्यंबकेश्वर येथे होणार्‍या सिंहस्थ कुंभपर्वासाठीची नियोजित कामे सार्वजनिक बांधकाम विभागाने वेळेत पूर्ण करावीत. त्यासाठी महसूल विभागाने भूसंपादनाच्या प्रक्रियेला गती द्यावी, असे निर्देश सार्वजनिक बांधकाम विभाग व वन विभागाचे अपर मुख्य सचिव मिलिंद म्हैसकर यांनी दिले. कुंभपर्वाच्या पार्श्वभूमीवर ‘भूसंपादन- सद्य:स्थिती आणि अपेक्षित मार्गदर्शन’ या विषयावरील आढावा बैठकीत ते बोलत होते.