शिर्डीत साईबाबांना १५ लाख रुपयांचा हिरेजडित ‘ब्रोच’ अर्पण

शिर्डी (अहिल्यानगर) – देहलीतील अज्ञात साईभक्ताने श्री साईबाबा यांच्या चरणी अनुमाने १५ लाख रुपये किमतीचा हिरेजडित मोरपिसांच्या आकारातील ब्रोच (मोरपिसाच्या आकाराची वस्तू) अर्पण केला आहे. अनुमाने ८० ग्रॅम वजनाच्या या ब्रोचमध्ये मौल्यवान ‘ब्राऊन डायमंड’ (तपकिरी हिरा) जडवण्यात आला असून तो सध्या साईबाबांच्या मूर्तीला परिधान करण्यात आला आहे. याआधीच २ दिवसांपूर्वी एका भक्ताने ९२ लाखांहून अधिक किमतीचा सुवर्ण मुकुट अर्पण केला होता. देणगी देणार्‍या भक्ताने आपली ओळख गोपनीय ठेवण्याची विनंती केल्याने संस्थानने ती घोषित केलेली नाही.