पुणे येथे ‘डेटिंग अ‍ॅप’वरून उद्योजकाची ७ कोटी ६१ लाख रुपयांची फसवणूक !

पुणे – ‘डेटिंग अ‍ॅप’वर (लोकांना जाळ्यात ओढणारी प्रणाली) मैत्रीचे आमीष दाखवून सायबर चोरट्यांनी कोंढवा येथील एका उद्योजकाची ७ कोटी ६१ लाख रुपयांची फसवणूक केल्याची तक्रार सायबर पोलीस ठाण्यात प्रविष्ट करण्यात आली.

ऑक्टोबर २०२५ मध्ये त्यांची ‘डेटिंग अ‍ॅप’वरून एका महिलेशी ओळख झाली. तिने चलन व्यवहारात गुंतवणूक केल्यास अधिकचा लाभ मिळेल, असे आमीष दाखवले. त्या महिलेने विविध अधिकोष खात्यात रक्कम गुंतवणूक करण्यास भाग पाडले. गेल्या दीड वर्षात त्या उद्योजकाने ७ कोटी ६१ लाख रुपये जमा केले. परताव्याची रक्कम काढण्याचा प्रयत्न केला; परंतु ती रक्कम काढता आली नाही. फसवणूक झाल्याचे लक्षात आल्यानंतर त्यांनी सायबर पोलिसांकडे तक्रार प्रविष्ट केली.