जम्मू-काश्मीरमध्ये गेल्या २८ दिवसांत ७३३ अमली पदार्थ तस्करांना अटक

श्रीनगर (जम्मू-काश्मीर) – राज्यात गेल्या २८ दिवसांत पोलिसांनी अमली पदार्थ तस्करीशी संबंधित ७३३ लोकांना अटक केली. या काळात तस्करांच्या ४७ घरांवर बुलडोझर चालवण्यात आला. ३७३ आरोपींचा वाहन चालवण्याचा परवाना रहित करण्यात आला. तसेच नियमांचे उल्लंघन केल्याबद्दल ११४ मेडिकल दुकानांचे परवानेही रहित करण्यात आले. उपराज्यपाल मनोज सिन्हा यांनी राज्यात अमली पदार्थ तस्करी संपवण्यासाठी १०० दिवसांची मोहीम चालू केली आहे.