मुझफ्फरपूर (बिहार) येथे सासरकडून धर्मांतरासाठी हिंदु शिक्षिकेचा छळ !

मुझफ्फरपूर (बिहार) – जिल्ह्यात एका हिंदु शिक्षिकेने तिच्या सासरच्या मंडळींविरुद्ध गंभीर स्वरूपाची तक्रार प्रविष्ट (दाखल) केली आहे. मुसलमान तरुणाशी विवाह केल्यानंतर आता सासरकडून तिच्यावर धर्म पालटण्यासाठी आणि इस्लामी प्रथा पाळण्यासाठी प्रचंड दबाव आणला जात आहे, असा आरोप तिने केला आहे. तिने पोलिसांना दिलेल्या माहितीनुसार तिचे सासरे, सासू, दीर आणि जाऊ तिच्यावर बुरखा घालण्यासाठी आणि मांस खाण्यासाठी बळजोरी करत आहेत. या मागण्या मान्य न केल्यास तिला बेदम मारहाण केली जाते आणि जिवे मारण्याची धमकी दिली जाते.

🚨 Hindu Teacher in Bihar Alleges Harassment for Religious Conversion

A woman from Muzaffarpur alleged that after marrying a Muslim man, she faced relentless pressure from her in-laws to convert and follow Islamic practices – including being forced to wear a burqa and eat meat.… pic.twitter.com/k3A6MINpCP

— Sanatan Prabhat (@SanatanPrabhat) May 13, 2026

१. पीडित महिलेचा असाही आरोप आहे की, सासरचे लोक हा विवाह मान्य करण्यास सिद्ध नाहीत आणि स्थानिक पंचायतीच्या माध्यमातून तिच्यावर दबाव आणला जात आहे.

२. ‘माझा छळ करून मला बलपूर्वक धर्मपरिवर्तन करायला लावत आहेत’, अशी तक्रार तिने पोलीस ठाण्यात केली आहे. महिलेच्या तक्रारीवरून आरोपींच्या विरोधात गुन्हा नोंदवण्यात आला आहे.