महंमद समीर याने विद्यार्थिनीला गर्भपाताच्या बर्‍याच गोळ्या बलपूर्वक दिल्याने तिचा मृत्यू !

वाराणसी (उत्तरप्रदेश) – येथे परिचारिका होण्याचे शिक्षण घेणार्‍या एका १९ वर्षीय विद्यार्थिनीचा नुकताच मृत्यू झाला. धर्मांध अन्वेषणातून तिचा गर्भपाताच्या बर्‍याच गोळ्या घेतल्याने मृत्यू झाल्याचे समोर आले. ती ३ महिन्यांची गर्भवती होती आणि तिचा प्रियकर महंमद समीर याने तिला त्या गोळ्या घेण्यास बाध्य केले होते. या प्रकरणी समीरला अटक करण्यात आली आहे.

१० जूनच्या सकाळी वसतीगृहाच्या पायर्‍यांवर विद्यार्थिनी रक्ताच्या थारोळ्यात आढळली. विद्यार्थिनीला तातडीने जवळच्या रुग्णालयात नेले असता डॉक्टरांनी तिला मृत घोषित केले. अन्वेषणाच्या वेळी असे समजले की, ती विद्यार्थिनी मिरगंज (जौनपूर) येथील करियाव गावचा रहिवासी असलेल्या महंमद समीर याला भेटण्यासाठी मुलांच्या वसतीगृहात वारंवार जात असे. पोलिसांनी समीरला त्याच्या घरातून अटक केली आहे.

समीरने गुन्ह्याची दिली स्वीकृती !

समीरने चौकशीत स्वीकारले की, ते दोघे गेल्या २ वर्षांपासून प्रेमसंबंधात होते. काही काळापूर्वी त्या विद्यार्थिनीने त्याला आपण गर्भवती असल्याचे सांगितले होते. तो म्हणाला की, मी तिला औषध घेण्यास सांगितले, तेव्हा तिने नकार दिला. मी तिच्यावर दबाव आणला. तिने लग्नाचा प्रस्ताव मांडला असता मी त्याला सहमती दर्शवली नाही. शेवटी तिच्या इच्छेविरुद्ध मी तिला ते औषध घेण्यास भाग पाडले.