MP ISI Links : ‘आय.एस्.आय.’शी संबंध असलेल्या मध्यप्रदेशातील ३ तरुणांना अटक  

भोपाळ (मध्यप्रदेश) – पाकिस्तानी गुप्तहेर संस्था आय.एस्.आय.शी संबंध असल्याच्या प्रकरणी मध्यप्रदेशातील ३ तरुणांना देहली पोलिसांनी अटक केली. अनमोल राय (वय २४ वर्षे), राजवीर (वय २१ वर्षे) आणि विवेक बंजारा (वय १९ वर्षे) अशी त्यांची नावे आहेत. (अटक करण्यात आलेल्यांची नावे हिंदु आहेत. यावरून त्यांचा बुद्धीभेद करून त्यांचे धर्मांतर करून त्यांच्याकडून जिहादी कारवाया करून घेण्याचा कट होता का, याचीही चौकशी व्हायला हवी ! – संपादक) हे तिघे देहलीतील ऐतिहासिक मंदिरे, देहली-सोनीपत महामार्गावरील एक ढाबा आणि हरियाणातील सैन्यतळ उडवणार होते.

🚨 3 youths from Madhya Pradesh with alleged links to Pakistan’s ISI arrested by Delhi Police 🇮🇳

A shocking plot was reportedly being hatched to target a historic temple, a dhaba, and even a military base in Delhi.

Many such accused have been arrested earlier too. Strictest… pic.twitter.com/egTHN8XTmD

— Sanatan Prabhat (@SanatanPrabhat) May 11, 2026

देहलीच्या विशेष अन्वेषण पथकाचे पोलीस निरीक्षक कुशवाह यांनी सांगितले की, तिन्ही आरोपी गरीब कुटुंबातील आहेत. तिघांच्याही भ्रमणभाषवरील ऑडिओ आणि व्हिडिओ कॉल्सवरून संशयास्पद क्रमांकांवर बोलणे झाल्याचे, तसेच सामाजिक माध्यमांद्वारे विशिष्ट ठिकाणांची छायाचित्रे पाकिस्तानात पाठवल्याचे आढळून आले आहे. यासह त्यांच्याकडे संशयास्पद ई-मेलही मिळाले आहेत. आतंकवादी कटात सहभागी करून घेण्यासाठी आरोपींना काय मिळाले होते ?, याचा पोलीस शोध घेत आहेत.

‘गँग बस्ट ऑपरेशन २.०’ अंतर्गत खुलासा !

देहलीच्या विशेष अन्वेषण पथकाने ‘गँग बस्ट ऑपरेशन २.०’ (गुन्हगारांच्या टोळ्यांचा निःपात करण्याची मोहीम) अंतर्गत विविध राज्यांमधून शाहजाद भट्टी गटाशी संबंधित ९ संशयितांना अटक केली होती. त्यांच्या चौकशीतून कळले की, आरोपींपैकी एकाने देहलीतील एका ऐतिहासिक मंदिराची ‘रेकी’ (आक्रमणापूर्वी केलेली पहाणी) केली होती. या परिसराची छायाचित्रे सामाजिक संकेतस्थळांच्या माध्यमातून पाकिस्तानात पाठवली होती. आता अटक केलेल्या आरोपींना मंदिरात तैनात असलेले पोलीस आणि निमलष्करी दलाचे सैनिक यांच्यावर आक्रमण करून दहशत पसरवायची होती.