हा उद्दामपणा आता थांबवावा लागेल ! – गोपीचंद पडळकर, आमदार, भाजप

मुंबई – मी मीरा रोड येथील घटनेचा जाहीर निषेध करतो. देवेंद्र फडणवीस राज्याचे अत्यंत सक्षम गृहमंत्री आणि मुख्यमंत्री आहेत. ज्याने हे नीच कृत्य केले आहे, त्याला कठोरातील कठोर शिक्षा देण्यासाठी सरकार सक्षम आहे. पोलिसांनी या घटनेमागे कोण आहे, या सर्वांचे धागेदोरे पडताळण्याची आवश्यकता आहे. धर्म विचारून वार करणे म्हणजे यांचा उद्दामपणा मोठ्या प्रमाणावर वाढलेला आहे. हा उद्दामपणा आता थांबवावा लागेल, असे वक्तव्य भाजपचे आमदार गोपीचंद पडळकर यांनी केले आहे.

आस्थापनात कुणी जिहादी वृत्तीचा असेल, तर त्याला हाकलून द्या ! 

गोपीचंद पडळकर म्हणाले की, दिवसेंदिवस अशा घटना करण्याचे या लोकांचे नियोजन आहे. अशा आस्थापनांमध्ये जिहादी प्रवृत्तीची लोक ठेवलेच का आहेत ? महाराष्ट्रातील आस्थापनांनी धर्मांध जिहादी प्रवृत्तीचे कर्मचारी किंवा सुरक्षारक्षक असतील किंवा वरच्या पदावर असतील, तर चौकशी करून त्यांना हाकलून दिले पाहिजे. अशा वृत्तीचा एकही माणूस आस्थापनामध्ये कामाला ठेवता कामा नये. ज्याने कुणी हे नीच काम केले आहे, त्याचे सालटे निघेल. त्याचे ज्याच्याशी संबंध असतील, त्याचेदेखील गुडघे सोलले जातील !