वारकरी संप्रदायातील संत परंपरेचा अवमान करणार्‍या विकास लवांडे यांच्यावर कारवाई करा !

पुणे – शरद पवार गटाचे प्रवक्ते विकास लवांडे यांनी सार्वजनिक माध्यमांद्वारे वारकरी संप्रदायातील संत परंपरा आणि महात्मे यांचा ‘घुसखोर’ असा उल्लेख करून अत्यंत अवमान केला आहे. यामुळे हिंदूंच्या धार्मिक भावना दुखावल्या आहेत. या प्रकरणी ‘धर्मवीर आध्यात्मिक सेने’च्या वतीने येरवडा पोलीस ठाण्यात तक्रार प्रविष्ट करण्यात आली असून लवांडे यांच्यावर कठोर कायदेशीर कारवाई करण्याची मागणी करण्यात आली आहे.

या निंदनीय वक्तव्याचा निषेध करत ‘धर्मवीर आध्यात्मिक सेने’चे प्रदेशाध्यक्ष ह.भ.प. अक्षय महाराज भोसले आणि महाराष्ट्र राज्य सेवा अन् रक्षण समन्वयक श्री. अनिरुद्ध लष्करे यांनी पोलिसांना निवेदन दिले आहे.