‘सुंदरकांड’ जीवन घडवणारा एक दैवी मार्गदर्शक ग्रंथ ! – सद्गुरु डॉ. चारुदत्त पिंगळे, राष्ट्रीय मार्गदर्शक, हिंदु जनजागृती समिती

धर्मप्रेमी श्री. कपूर यांच्या कुटुंबात पुत्ररत्नप्राप्ती झाल्याच्या निमित्ताने ‘सुंदरकांड’ पठणाचे आयोजन

नवी देहली – धर्मप्रेमी सौ. मंजुळा आणि श्री. हरीश कपूर यांच्या कुटुंबात पुत्ररत्नप्राप्ती झाल्याच्या निमित्ताने त्यांच्याकडे ‘सुंदरकांडा’चे पठण आयोजित करण्यात आले होते. या कार्यक्रमात त्यांचे परिचित आणि नातेवाईक यांनी उत्साहाने सहभाग घेतला. याप्रसंगी हिंदु जनजागृती समितीचे राष्ट्रीय मार्गदर्शक सद्गुरु डॉ. चारुदत्त पिंगळे यांची वंदनीय उपस्थिती होती. या कार्यक्रमातील एका विशेष सत्रात ‘सुंदरकांडा’च्या आध्यात्मिक आणि व्यावहारिक पैलूंवर मार्गदर्शन करतांना सद्गुरु डॉ. पिंगळे म्हणाले, ‘‘सुंदरकांड हा केवळ एक ग्रंथ नसून जीवन घडवणारा एक दैवी मार्गदर्शक आहे. भक्ती आणि सेवा यांच्या वेळी हनुमान दास्यभावात रहातो; तर राष्ट्र आणि धर्म यांवर संकट येते, तेव्हा तो शक्तीभाव धारण करतो. आपणही आपल्या पुढच्या पिढीला अशाच प्रकारे सक्षम केले पाहिजे. लंकेचे खरे दहन, म्हणजे स्वतःतील अहंकार, मत्सर आणि देहबुद्धी रूपातील असुर दुष्प्रवत्तीला नष्ट करणे होय. जेव्हा मनातील संघर्ष संपतो, तेव्हाच आपल्याला खर्‍या अर्थाने ‘अयोध्या’ (अ योद्धा) ही अवस्था प्राप्त होते.’’