मुंबईमध्ये घरगुती गॅस सिलिंडरसाठी नागरिकांची गर्दी !

मुंबई, २८ मार्च (वार्ता.) – मुंबईमध्ये घरगुती गॅस सिलिंडरसाठी विविध एजन्सीच्या कार्यालयांमध्ये नागरिक मोठ्या प्रमाणात गर्दी करत आहेत. गॅस एजन्सींच्या बाहेर सिलिंडरसाठी मोठ्या रांगा लागत आहेत. नागरिकांच्या गर्दीमुळे वादाचे प्रसंग निर्माण होत आहेत.

इराण विरुद्ध अमेरिका आणि इस्रायल यांमध्ये चालू असलेल्या युद्धाच्या पार्श्वभूमीवर सध्या २१ दिवसांत मिळणारा घरगुती सिलिंडरचा कालावधी २५ दिवसांचा करण्यात आला आहे; परंतु नोंदणी करूनही अनेक दिवस गॅस सिलिंडर मिळत नाही. नोंदणी करणार्‍यांऐवजी एजन्सीच्या कार्यालयात प्रत्यक्ष जाऊन नागरिक सिलिंडर घेत आहेत. यामध्ये काही नागरिक पुरवठा बंद होईल, या भीतीने अतिरिक्त सिलिंडर आणून ठेवत आहेत.