अशोक खरात याच्या विरोधात १०० हून अधिक तक्रारी !

• ५० रुपयांचे खडे लाखांना विकून लूट
• मोठे राजकीय नेते आणि अभिनेते यांचीही केली फसवणूक !

मुंबई – भोंदू बाबा अशोक खरात याच्या विरोधात विशेष अन्वेषण पथकाच्या ‘साहाय्यता कक्षा’कडे १०० हून अधिक तक्रारी आल्या. नाशिक, पुणे आणि अहिल्यानगर भागांतील अनेक महिलांनी पुढे येत अघोरी विधींच्या नावाखाली झालेल्या लैंगिक शोषणाची व्यथा मांडली आहे. खरातने सामान्य जनतेसह राजकीय नेते आणि चित्रपटसृष्टीतील अभिनेते यांनाही कोट्यवधी रुपयांचा गंडा घातला आहे. बाजारात ५० रुपयांना मिळणारे साधे दगड-खडे ‘चमत्कारी रत्न’ असल्याचे भासवून तो त्यांची लाखोंच्या किमतीत विक्री करत असे.

काही काळापूर्वी खरातला अर्धांगवायूचा झटका आला होता. उत्तेजक औषधांच्या अतीसेवनाने त्याच्या शरिराच्या एका भागाची हालचाल मर्यादित होत आहे.