सनातन प्रभात > Post Type > बातम्या > राष्ट्रीय बातम्या > Gujarat UCC Bill : गुजरात बनले समान नागरी कायदा करणारे दुसरे राज्य !

Gujarat UCC Bill : गुजरात बनले समान नागरी कायदा करणारे दुसरे राज्य !

गुजरातचे मुख्यमंत्री भूपेंद्र पटेल

गांधीनगर (गुजरात) – गुजरातमधील भाजप सरकारने विधानसभेत समान नागरी कायद्याचे विधेयक बहुमताने संमत केले. यामुळे उत्तराखंडनंतर देशात समान नागरी कायदा करणारे गुजरात दुसरे राज्य बनले आहे. गोव्यामध्ये पोर्तुगिज काळापासून हा कायदा अस्तित्वात आहे.

कायद्यात काय आहे ?

या कायद्यात लग्नाची सक्तीची नोंदणी, घटस्फोटाचे समान नियम, दंडासह काही महत्त्वाच्या तरतुदी असणार आहेत. लग्नाची नोंदणी न करणार्‍यांना १० सहस्र रुपयांचा दंड, एकापेक्षा अधिक लग्न करणार्‍यांना ४ वर्षांची शिक्षा आहे. न्यायालयाबाहेरील घटस्फोट अवैध असतील. न्यायालयाबाहेर घटस्फोट घेतल्यास शिक्षेस पात्र ठरेल. ‘लिव्ह-इन रिलेशनशिप’साठी (जोडप्यांनी विवाह न करता एकत्र रहाण्यासाठी) ३ महिन्यांत नोंदणी करणे बंधनकारक आहे. ‘लिव्ह-इन रिलेशनशिप’ची तरतूद कायदेशीर संरक्षणासाठी आहे. अशा प्रकरणांमध्ये फसवणूक करणार्‍यांना गुजरातमध्ये स्थान नाही. प्रत्येक समाज आणि धर्म यांच्यासाठी घटस्फोटाचे समान नियम लागू होतील.

नूतन लेख