Shimla Clash : शिमला (हिमाचल प्रदेश) येथे हिंदु महिलेचे दुकान कह्यात घेणार्‍या मुसलमानाला हिंदु संघटनेने हाकलले !

शिमला (हिमाचल प्रदेश) – येथील भाजी मंडईत हिंदु दुकानदाराच्या दुकानावर अतिक्रमण करून ते कह्यात घेण्याचा प्रयत्न मुसलमानाने केला. या वेळी ‘देवभूमी संघर्ष समिती’चे कार्यकर्ते घटनास्थळी पोचले आणि दुकानाचे कुलूप तोडून मुसलमानाचे साहित्य बाहेर फेकले आणि दुकान परत हिंदु महिलेच्या नियंत्रणात दिले. मुसलमानांनी दावा केला की, त्यांनी १ कोटी रुपये देऊन दुकान खरेदी केले आहे.

देवभूमी संघर्ष समितीच्या एका सदस्याने सामाजिक माध्यमांवर माहिती दिली की, भाजी मंडईतील एक दुकान बलपूर्वक कह्यात घेऊन रात्री कुलूप लावण्यात आले. दुकानमालकाला मारण्यासाठी ५ जण आले होते. त्यांनी एका वृद्ध महिलेचा गळा पकडला आणि सर्व सीसीटीव्ही कॅमेरे फोडले. वर्ष १९४७ पासून या दुकानाचे नियंत्रण त्या महिलेच्या कुटुंबाकडे होते; परंतु मुसलमान समुदायातील लोकांनी ते बलपूर्वक कह्यात घेतले.