मुंबईतील सिद्धिविनायक मंदिरात वारंवार चोरी करणार्‍या कर्मचार्‍याला अटक !

मुंबई – येथील सिद्धिविनायक मंदिरातील राजेंद्र पेंडुरकर (वय ५७) या कर्मचार्‍यावर दानपेटीतून पैसे चोरल्याच्या आरोपाखाली गुन्हा नोंद करून त्याला अटक करण्यात आली आहे. २० मार्चला ही घटना उघडकीस आली. त्याला पोलीस कोठडी देण्यात आली आहे.

सीसीटीव्ही चित्रण पडताळतांना पेंडुरकर दानपेटीतून पैसे चोरतांना दिसले. यानंतर तक्रारदारांनी त्याची माहिती तात्काळ वरिष्ठांना दिली. शेवटच्या वेळी त्याने १० सहस्र रुपये चोरल्याचा आरोप आहे. मागील ८ ते १० दिवसांचे चित्रण पडताळल्यावर पेंडुरकर वारंवार दानपेटीतून पैसे चोरत असल्याचे दिसल्याने त्याने आतापर्यंत मोठी रक्कम चोरली असल्याची शक्यता आहे.