छत्रपती संभाजीनगर येथे जगद्गुरु नरेंद्राचार्य महाराजांच्या दर्शनासाठी भाविकांचा महासागर !

अंबादास दानवे यांनी घेतले महाराजांचे आशीर्वाद !

छत्रपती संभाजीनगर – ‘जगद्गुरु रामानंदाचार्य दक्षिण पीठ, नाणीजधाम’चे जगद्गुरु रामानंदाचार्य श्री श्री स्वामी नरेंद्राचार्य महाराज यांच्या येथील २ दिवसीय ‘समस्या मार्गदर्शन आणि दर्शन सोहळ्या’ला मराठवाड्यातील भाविकांचा अभूतपूर्व प्रतिसाद लाभला. चौका (तालुका छत्रपती संभाजीनगर) येथील म्हसोबा महाराज मंदिरासमोरील मोठ्या मैदानावर मराठवाड्यातील कानाकोपर्‍यांतून आलेल्या भाविकांनी ‘जगद्गुरु नरेंद्राचार्य महाराज की जय’च्या जयघोषात दर्शन सोहळ्याचा लाभ घेतला. या सोहळ्याने भक्ती आणि सेवावृत्ती यांचा अनोखा संगम अनुभवला.

ठाकरे गटाचे नेते आणि विधान परिषदेचे माजी विरोधी पक्षनेते अंबादास दानवे यांनी महाराजांची भेट घेऊन त्यांचे शुभाशीर्वाद घेतले. या वेळी दानवे म्हणाले की, जगद्गुरु नरेंद्राचार्य महाराजांचे दर्शन घेण्याचे भाग्य लाभले. गुरुकृपेने समाजात सद्भावना, संस्कार आणि सेवावृत्ती अधिक दृढ होवोत, हीच त्यांच्या चरणी प्रार्थना. या वेळी त्यांच्यासमवेत अनेक पदाधिकारी उपस्थित होते.