आजपासून १७ मार्चअखेर श्री महालक्ष्मीदेवीच्या तिन्ही गर्भगृहांचे जतन : दर्शन व्यवस्थेत पालट !

कोल्हापूर – साडेतीन शक्तीपिठांपैकी एक असलेल्या श्री महालक्ष्मीदेवी मंदिरात १४ ते १७ मार्चअखेर पुरातत्व विभागाच्या वतीने मंदिरातील श्री महाकाली, श्री महालक्ष्मीदेवी आणि श्री महासरस्वती या तिन्ही गर्भगृहांचे अंतर्गत अन् बाह्य भागांचे जतन आणि संवर्धन यांचे काम करण्यात येणार आहे.

या कामाच्या अनुषंगाने वरील कालावधीत संबंधित गर्भगृहांमध्ये नेहमीप्रमाणे दर्शन व्यवस्था उपलब्ध रहाणार नाही.  त्यामुळे भाविकांना दर्शन हे पितळी उंबरठा आणि श्री गणपति मंडप येथून घेता येईल.

१७ मार्चला आवश्यक ते सर्व आगमोक्त् आणि वेदोक्त धार्मिक विधी, तसेच पूर्णाहुती  झाल्यानंतर दुपारी १२.३० वाजता आरतीपासून श्री महालक्ष्मीदेवीचे दर्शन पूर्ववत् चालू करण्यात येईल.