सोनगाव कचरा डेपोला अज्ञातांकडून आग !

धुरामुळे नागरिकांना श्वसनाचा त्रास !

सातारा, १० मार्च (वार्ता.) – शहरालगत असणार्‍या सोनगाव कचरा डेपोला ९ मार्चला अचानक आग लागली. अज्ञातांकडून लावण्यात आलेल्या या अग्नीने रौद्र रूप धारण केले. त्यामुळे धुराचे लोट निर्माण होऊन नागरिकांना श्वसनाचा त्रास होऊ लागला. सातारा नगर परिषदेच्या अग्नीशमन दलाकडून आग विझवण्यासाठी प्रयत्न झाले. शेतातील गवत जाळण्यासाठी आग लावणार्‍यांवर कठोर कारवाई करावी, अशी मागणी सोनगाव ग्रामस्थांकडून होत आहे