बिलासपूर (हिमाचल प्रदेश) येथे अल्पवयीन मुसलमानाकडून ५ वर्षांच्या हिंदु मुलीवर बलात्काराचा प्रयत्न !

बिलासपूर (हिमाचल प्रदेश) – येथील तलाई पोलीस ठाण्याच्या सीमेतील एका गावात ५ वर्षांच्या मुलीवर एका अल्पवयीन मुसलमान मुलाने बलात्कार करण्याचा प्रयत्न केला. ६ मार्च या दिवशी ही घटना घडली. या प्रकरणी अल्पवयीन मुसलमान मुलाला कह्यात घेतले असून त्याला बाल न्याय मंडळाच्या आदेशानुसार सिमला येथील हिरानगर सुधारगृहात पाठवण्यात आले आहे.

१. मुलीवर झालेल्या अत्याचाराच्या प्रयत्नाच्या घटनेमुळे संपूर्ण परिसरात संतापाची लाट पसरली. ८ मार्च या दिवशी परिसरातील २०० लोक पीडितेच्या घरी पोचले. आंदोलकांमध्ये स्थानिक महाविद्यालयाचे विद्यार्थी, भाजप मंडल अध्यक्ष, भाजपचे युवा कार्यकर्ते, बजरंग दलाचे कार्यकर्ते, व्यापारी मंडळाचे प्रतिनिधी आणि भडोलिया, बकैन आणि कलोल येथील महिला यांचा समावेश होता. संतप्त जमावाने भडोली कला येथील एका धार्मिक स्थळात शिरून तोडफोड केल्याने परिसरात तणाव निर्माण झाला आहे.

२. आरोपीच्या घरासह जिल्ह्यातील धार्मिक आणि संवेदनशील स्थळांच्या परिसरात पोलीस तैनात करण्यात आले आहेत. पोलिसांनी सांगितले की, पीडित मुलीच्या वैद्यकीय चाचणीचा अहवाल येणे शेष आहे. पीडितेच्या कुटुंबियांच्या तक्रारीवरून पॉक्सो कायद्यांतर्गत गुन्हा नोंदवण्यात आला आहे.

३. हिंदू रक्षा मंचाचे कमल गौतम यांनी कार्यकर्त्यांसह पीडित कुटुंबाची भेट घेतली. त्यांनी या प्रकरणी तातडीने कारवाई करण्याची मागणी केली.