Pawan Hans Helicopter : अंदमानच्या समुद्रात पवन हंस हेलिकॉप्टर कोसळले

हेलिकॉप्टरमधील सर्व ७ जण सुरक्षित

अंदमान – येथील समुद्रास २४ फेब्रुवारीच्या सकाळी पवन हंस हेलिकॉप्टर कोसळले. उड्डाणानंतर काही क्षणांतच ही घटना घडली. या हेलिकॉप्टरमध्ये ७ लोक होते. त्यांना वाचवण्यात यश आले आहे.  हे हेलिकॉप्टर पोर्ट ब्लेअरहून मायबंदरला जात होते. उड्डाण केल्यानंतर वैमानिकाला तांत्रिक बिघाड झाल्याची जाणीव झाली ज्यानंतर काही क्षणांत हे हेलिकॉप्टर समुद्रात कोसळले. या घटनेची माहिती मिळताच त्या ठिकाणी साहाय्य आणि बचाव पथके पोचली. त्यांनी कर्मचारी आणि प्रवासी यांना बाहेर काढले.