अहिल्यानगर येथे अल्पवयीन मुलीचे अपहरण; ५ दिवस जंगलात बलात्कार !

अहिल्यानगर – येथे एका १५ वर्षाच्या मुलीचे ३ आरोपींनी अपहरण केले आणि जवळच्या जंगलात नेऊन ५ दिवस तिच्यावर बलात्कार करण्यात आला. ही मुलगी महाविद्यालयात जातांना तिचे अपहरण करण्यात आले होते. या ३ तरुणांना पोलिसांनी अटक केली आहे. या घटनेमुळे गावात संतापाची लाट उसळली आहे. मुलगी महाविद्यालयातून घरी न आल्यामुळे पालकांनी पोलीस ठाण्यात तक्रार केली होती.

अल्पवयीन मुलींना लक्ष्य केले जात आहे ! – संग्राम जगताप, आमदार, राष्ट्रवादी काँग्रेस

अहिल्यानगरमध्ये अल्पवयीन मुलींना लक्ष्य करण्याच्या घटना वाढत आहेत. या प्रकरणी आरोपींवर योग्य प्रकारे कारवाई होत नाही. पोलीस या गुन्हेगारांना पाठीशी घालतात का ? असा माझा प्रश्न आहे.

हिंदु मुलींना लव्ह जिहादद्वारे जाळ्यात ओढण्याचा प्रकार ! – गोपीचंद पडळकर, आमदार, भाजप

हिंदु मुलींना लव्ह जिहादच्या जाळ्यात ओढण्यात येते. येथे राजकारण करत नसून जे वास्तव आहे, ते मांडत आहे. त्यामुळे या विषयाकडे गांभीर्याने पाहिले पाहिजे.