हिंदु जनजागृती समितीच्या वतीने देहली आणि राष्ट्रीय राजधानी क्षेत्र येथे ‘व्हॅलेंटाईन डे’च्या विरोधात ‘ऑनलाईन’ कार्यक्रम पार पडला !

देहली आणि राष्ट्रीय राजधानी क्षेत्र येथील जिज्ञासूंची उपस्थिती

देहली – हिंदु जनजागृती समितीच्या वतीने देहली आणि राष्ट्रीय राजधानी क्षेत्र येथील जिज्ञासूंसाठी ‘व्हॅलेंटाईन डे’च्या विरोधात एका विशेष ‘ऑनलाईन’ कार्यक्रमाचे आयोजन करण्यात आले होते. या वेळी समितीच्या संपर्कात आलेल्या जिज्ञासू सौ. नीतू सिंह मलिक यांनी व्हॅलेंटाईन कोण होता?, व्हॅलेंटाईन साजरा करण्यामागील अर्थकारण आदींविषयी माहिती दिली. समितीचे श्री. हरिकृष्ण शर्मा यांनी ‘व्हॅलेंटाईन डे’ला भारतातून हद्दपार करण्यासाठी आपण काय करू शकतो ?’, याविषयी मार्गदर्शन केले. याप्रसंगी ‘व्हॅलेंटाईन डे’च्या विरोधात जनजागृती करणारी चित्रफित दाखवण्यात आली. या कार्यक्रमाचे सूत्रसंचालन सौ. साक्षी चढ्ढा यांनी केले. या कार्यक्रमाचा लाभ अनेक जिज्ञासूंनी घेतला.