मुंबईत अडीच कोटी रुपयांची रक्कम कह्यात !

मुंबई – भरारी पथकाने मुंबईच्या देवनार परिसरातून २ वाहनांतून २ कोटी ३३ लाख रुपयांची रक्कम कह्यात घेतली आहे. ही रक्कम एटीएम्मध्ये भरण्यासाठी नेली जात असल्याचे सांगितले गेले. या पैशांची माहिती आयकर विभागाला देण्यात आली आहे. सध्या ही रक्कम देवनार पोलिसांच्या नियंत्रणात म्हणून ठेवण्यात आली आहे.

राज्यातील महानगरपालिकांच्या निवडणुकीच्या पार्श्वभूमीवर सध्या आचारसंहिता चालू आहे. या पार्श्वभूमीवर निवडणूक भरारी पथके नेमण्यात आलेली आहेत.