शाकंभरी नवरात्र महोत्सवांतर्गत मुरली अलंकार महापूजा साजरी !

तुळजापूर – ३० डिसेंबर या दिवशी शाकंभरी नवरात्र महोत्सवाच्या निमित्ताने श्री तुळजाभवानीदेवीची मुरली अलंकार महापूजा भावपूर्ण वातावरणात पार पडली. या वेळी देवीच्या अलंकारांमध्ये मुरलीला विशेष स्थान दिले होते. पुराणकथेनुसार भगवान श्रीकृष्णानी जगदंबा मातेस त्यांची मुरली (बासरी) अर्पण केल्याची आठवण म्हणून प्रतिवर्षी शाकंभरी नवरात्रात मुरली अलंकार महापूजा केली जाते. या पूजेला विशेष धार्मिक महत्त्व असून भक्तांमध्ये याविषयी श्रद्धा आहे.