३१ डिसेंबरला होणार्‍या अपप्रकारांच्या विरोधात केडगाव (पुणे) येथे जनजागृतीपर वाहन फेरी

पुणे, ३० डिसेंबर (वार्ता.) – ३१ डिसेंबरला मद्यधुंद होऊन गाड्या चालवणे, अपघात होणे, ‘रेव्ह पार्ट्या यांसारखे अपप्रकार होऊ नयेत, यासाठी केडगाव येथे हिंदुत्वनिष्ठ संघटनांच्या वतीने २९ डिसेंबर या दिवशी जनजागृतीपर वाहन फेरी काढण्यात आली. या प्रसंगी श्रीराम प्रतिष्ठान चौफुला, नाथभक्त परिवार केडगाव, स्वातंत्र्यवीर सावरकर युवा विचार मंच केडगाव, पारगाव येथील ८० कार्यकर्ते उपस्थित होते. या वाहनफेरीचे आयोजन हिंदु राष्ट्र समन्वय समिती आणि स्वातंत्र्यवीर सावरकर युवा विचार मंच, केडगाव यांच्या संयुक्त विद्यमाने करण्यात आले. नागेश्वर मंदिरापासून चालू झालेली ही फेरी आंबेगाव, केडगाव स्टेशन मार्गे बोरमलनाथ मंदिरापर्यंत आली. फेरीमध्ये सर्व जण भगवे ध्वज घेऊन घोषणा देत सहभागी झाले. शेवटी श्री. शुभम लव्हे यांनी मार्गदर्शनपर विचार मांडले.