Bengaluru  Demolition : बेंगळुरू (कर्नाटक) येथे ४०० हून अधिक बेकायदेशीर घरे महापालिकेने पाडली !

बेंगळुरू (कर्नाटक) : येथे महापालिकेने ४०० हून अधिक बेकायदेशीर झोपड्या आणि घरे पाडली. यात बहुसंख्य मुसलमानांची घरे होती. यानंतर त्यांच्याकडून आंदोलन करण्यात येत आहे. या संदर्भात केरळमधील साम्यवादी सरकारचे मुख्यमंत्री पिनराई विजयन् यांनी कर्नाटक सरकारवर टीका केली. यावर कर्नाटकचे उपमुख्यमंत्री डी.के. शिवकुमार यांनी मुख्यमंत्री विजयन् यांची ‘बेंगळुरूमधील अतिक्रमित भूमीवर करण्यात आलेल्या कारवाईविषयी संपूर्ण माहिती न घेता त्यांनी सार्वजनिकरित्या मतप्रदर्शन केले. अनुभवी नेत्यांनी असे विधान करणे खेदजनक आहे’, अशा शब्दांत कानउघाडणी केली.

🏗️ When Vote-Bank Politics Cracks

Pinarayi Vijayan slammed the demolition as "bulldozer raj", alleging bias as most houses were Muslim-owned.

👉 Dy CM D. K. Shivakumar hit back: “Don’t comment on Karnataka without knowing the facts!”

⚠️ Irony at its peak:
A pro-Muslim Congress… pic.twitter.com/yCOL6wv0oJ

— Sanatan Prabhat (@SanatanPrabhat) December 27, 2025

उपमुख्यमंत्री शिवकुमार पुढे म्हणाले की, ज्या भूमीची स्वच्छता करण्यात आली, ती प्रत्यक्षात घनकचरा टाकण्याची जागा होती आणि त्यामुळे परिसरात आरोग्यासाठी धोके निर्माण झाले होते. तेथे रहाणार्‍यांना दुसरीकडे स्थलांतर करण्याची संधीही देण्यात आली होती. अशा विषयांत बाह्य राज्यातील नेत्यांनी हस्तक्षेप करू नये. काही गट नंतर सरकारी भूमीवर बेकायदा नियंत्रण मिळावण्याचा प्रयत्न करतात; मात्र हे सहन केले जाणार नाही. पात्र लाभार्थ्यांना राजीव गांधी योजनेतून घरे उपलब्ध करून दिली जातील. सार्वजनिक भूमीवर कुणालाही नियंत्रण मिळवू दिले जाणार नाही.