राज्यात १५ जुलै २०२५ अखेर केवळ २७० बालके शाळाबाह्य ! – राज्यमंत्री डॉ. पंकज भोयर

नागपूर, १५ डिसेंबर (वार्ता.) – वर्ष २०२४-२५ मध्ये ५ ते २० जुलै २०२४ मध्ये राज्यभर झालेल्या सर्वेक्षणामध्ये शाळाबाह्य बालकांची नोंद जिल्हास्तरीय पोर्टलवर करण्यात आली. त्यात २ सहस्र ४९७ बालके शाळाबाह्य आढळली. १ ते १५ जुलै २०२५ पर्यंत शिक्षक संचालक आणि प्राथमिक शिक्षण संचालक यांच्या माध्यमातून ३ सहस्र २९७ बालके शाळाबाह्य आढळून आली. त्यातील ३ सहस्र १७ बालकांना शाळेच्या मुख्य प्रवाहात आणले आहे. २७० बालके शेष आहेत, त्याची कारणे वेगवेगळी आहेत, अशी माहिती राज्यमंत्री डॉ. पंकज भोयर यांनी विधान परिषदेमध्ये दिली.

ठाकरे गटाचे सदस्य सुनील शिंदे यांनी ‘९३’ अन्वये ‘राज्यात १५ सहस्र ३५७ किशोरवयीन मुली शिक्षणाच्या प्रवाहाबाहेर राहिल्याविषयी’ची सूचना मांडली होती.