भारताने ‘हमास’ला आतंकवादी संघटना घोषित करावे ! – Israel Urges India

हमासची लष्कर-ए-तोयबाशी वाढत आहे जवळीक !

तेल अवीव (इस्रायल) – ‘भारताने हमासला आतंकवादी संघटना घोषित करावे’, अशी मागणी इस्रायलने केली आहे. हमास आणि पाकिस्तानस्थित लष्कर-ए-तोयबा यांच्यात वाढत असलेली जवळीक ही भारत आणि इस्रायल या दोघांच्या सुरक्षेच्या दृष्टीने धोकादायक आहे, असे इस्रायलने म्हटले. इस्रायलच्या परराष्ट्र मंत्रालयातील एका अधिकार्‍याने पत्रकार परिषदेत सांगितले की, इस्रायलने लष्कर-ए-तोयबावर आधीच बंदी घातली असून भारतानेही हमासवर बंदी घालणे अपेक्षित आहे. हमासला अमेरिका, ब्रिटन, कॅनडा आणि इतर अनेक देशांनी आतंकवादी संघटना म्हणून घोषित केले आहे.