UP Loudspeakers : मुझफ्फरनगरमधील मशिदींमधून अवैधरित्या लावलेले ४० ध्वनीक्षेपक हटवले !

मुझफ्फरनगर (उत्तरप्रदेश) – उत्तरप्रदेशातील मुझफ्फरनगर जिल्ह्यात धार्मिक स्थळांवर अवैधरित्या लावलेले ४० ध्वनीक्षेपक (लाऊडस्पीकर) काढून टाकण्यात आले.  हे सर्व ध्वनीक्षेपक मशिदींवरून खाली उतरवून पोलीस ठाण्यात आणण्यात आले आहेत. नियमांचे उल्लंघन करून सर्वच धार्मिक स्थळांवर लावलेले ध्वनीक्षेपक काढून टाकले जातील, असे सर्व धार्मिक स्थळांच्या पदाधिकार्‍यांना सांगण्यात आले आहे. शहराचे मुख्य अधिकारी सिद्धार्थ मिश्रा म्हणाले की, सर्वोच्च न्यायालयाच्या निर्णयानुसार, धार्मिक स्थळांवर लावलेले आणि २० डेसिबलपेक्षा जास्त आवाज असणारे सर्व ध्वनीक्षेपक काढण्याचा आदेश सरकारने दिला आहे.