Delhi Bomb Blast Updates : काश्मीरमध्ये रचला होता देहली बाँबस्फोटाचा कट !

नवी देहली – देहली येथील बाँबस्फोटाच्या अन्वेषणातून प्रतिदिन नवीन माहिती समोर येत आहे. हा संपूर्ण कट काश्मीरमध्ये रचण्यात आला. आतापर्यंत राष्ट्रीय अन्वेषण यंत्रणेने १ सहस्रांहून अधिक लोकांची चौकशी केल्यानंतर ही माहिती उघड झाली आहे. तसेच आत्मघाती बाँबपासून ते ड्रोन आणि ‘लोन वुल्फ ॲटक’ (एकट्याने आतंकवादी आक्रमण करणे) पर्यंतचा कट उघड झाला. आतंकवाद्यांचा गट काश्मीरमध्ये स्थापित केला गेला आणि हरियाणाच्या फरीदाबाद येथील अल्-फलाह विद्यापीठ त्याचे नियोजन केंद्र बनवण्यात आले. यात डॉक्टरांना सहभागी करून घेण्याची योजना अंतिम करण्यात आली.