श्रीसत्शक्ति (सौ.) बिंदामाते, त्रिवार नमस्कार आमचा आपुल्या चरणी ।

‘२२ सप्टेंबर २०२५ पासून नवरात्र चालू झाली. आमच्या घरी नवरात्रीचे घट बसतात. २६ सप्टेंबर या दिवशी ललिता पंचमी होती. या दिवशी रात्री देवीची आरती करत असतांना ‘श्रीसत्शक्ति (सौ.) बिंदामाते (श्रीसत्शक्ति (सौ.) बिंदा नीलेश सिंगबाळ) साक्षात् समोर सिंहासनावर विराजमान आहेत आणि मी त्यांच्या चरणांची आरती करत आहे’, असे मला जाणवले. आरती करतांना माझा भाव पुष्कळ जागृत झाला होता. त्या वेळी देवाने पुढील ओळी सुचवल्या. त्या गुरुमाऊलीच्या चरणी अर्पण करते.

जन्म घेतला आपण भाद्रपद अमावास्येच्या दिनी ।
उद्धार करण्या आम्हा पामरांचा येऊन संस्थेतूनी ।
माते (टीप १), त्रिवार नमस्कार आमचा आपुल्या चरणी ।। १ ।।

साधकांना आनंद देती प्रीतीचा वर्षाव करूनी ।
घेतले व्रत हाती साधक घडवण्याचे, गुरुदेवांची उत्तराधिकारी होऊनी ।
माते, त्रिवार नमस्कार आमचा आपुल्या चरणी ।। २ ।।

स्वभावदोष अन् अहं यांमुळे वंचित रहाती साधक गुरुचरणांपासूनी ।
घडवण्या साधका कठोरपणे जाणीव करून देऊनी ।
माते, त्रिवार नमस्कार आमचा आपुल्या चरणी ।। ३ ।।

नवरात्र सण असे एकदा वर्षातूनी ।
पण साधक अनुभवती देवीतत्त्व भक्तीसत्संगातूनी ।
माते, त्रिवार नमस्कार आमचा आपुल्या चरणी ।। ४ ।।

चुकलो जरी आम्ही तरी मायेने समजावूनी ।
साधका घडवण्या अहोरात्र झटती अपार कष्ट घेऊनी ।
माते, त्रिवार नमस्कार आमचा आपुल्या चरणी ।। ५ ।।

गुरुमाऊली (टीप २), अपार कृपा करून आम्हा सर्व साधकांवरती ।
साधनावृद्धी करण्यास आम्हा श्रीसत्‌शक्ति (सौ.) बिंदामाते देऊनी ।
किती कृतज्ञता व्यक्त करू तव चरणाप्रती ।। ६ ।।

टीप १ – श्रीसत्शक्ति (सौ.) बिंदा नीलेश सिंगबाळ

टीप २ – सच्चिदानंद परब्रह्म डॉ. आठवले

– अधिवक्त्या (सौ.) अपर्णा कुलकर्णी, तालुका दापोली, जिल्हा रत्नागिरी. (२७.९.२०२५)

येथे प्रसिद्ध करण्यात आलेल्या अनुभूती या ‘भाव तेथे देव’ या उक्तीनुसार साधकांच्या वैयक्तिक अनुभूती आहेत. त्या सरसकट सर्वांनाच येतील असे नाही. – संपादक
सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे ‘सूक्ष्म’.साधनेत प्रगती केलेल्या काही व्यक्तींना या ‘सूक्ष्म’ संवेदना जाणवतात. या ‘सूक्ष्मा’च्या ज्ञानाविषयी विविध धर्मग्रंथांत उल्लेख आहेत.