छत्रपती शिवरायांचे गुण हिंदु समाजात निर्माण करण्यासाठी आई जगदंबेची कृपा होवो ! – पू. भिडेगुरुजी

सांगली, २८ सप्टेंबर (वार्ता.) – छत्रपती शिवरायांचे धैर्य, शौर्य आणि दुर्दम्य इच्छाशक्ती हिंदु समाजात निर्माण करण्यासाठी आई जगदंबेची कृपा होवो, असे साकडे पू. संभाजीराव भिडेगुरुजी यांनी ६ व्या दिवशी दुर्गामाता दौडीच्या वेळी येथील श्री दुर्गामाता मंदिरात घातले.

पन्हाळगडावरून विशाळगडावर दोन्ही गडांवरचा वेढा तोडून छत्रपती शिवराय १२ घंट्यांनी पोचले. हे धैर्य, शौर्य , मनोबल आपल्यामध्ये निर्माण होण्यासाठी, ‘छत्रपती शिवरायांप्रमाणे दुर्दम्य इच्छाशक्ती हिंदु समाजात निर्माण होण्यासाठी, तो आदर्श निर्माण होण्यासाठी, हिंदु समाज घडण्यासाठी आई तू आम्हाला शक्ती, बुद्धी, युक्ती आणि बळ दे’, अशी प्रार्थना या वेळी करण्यात आली.