अहिल्यानगरच्या जिल्हाधिकार्‍यांनी शनिशिंगणापूर देवस्थानाच्या कार्यालयाला टाळे लावले !

विश्वस्त मंडळातील सदस्यांकडून भ्रष्टाचाराचे पुरावे नष्ट केले जाऊ नयेत, यासाठी तातडीची कारवाई !

अहिल्यानगर – शनिशिंगणापूर देवस्थानवरील विश्वस्त मंडळ विसर्जित झाल्यानंतर येथे कागदपत्रांची फेरफार केली जात असल्याची माहिती समोर आली होती. येथील विश्वस्त मंडळावर भ्रष्टाचारासह अनेक आरोप करण्यात आले असून जिल्हाधिकार्‍यांनी या देवस्थानचे प्रशासक म्हणून पदभार स्वीकारल्यानंतर देवस्थानच्या कार्यालयाला तात्काळ टाळे ठोकण्यात आले. (‘सील’ करण्यात आले.) विश्वस्त मंडळातील सदस्यांकडून मंदिर देवस्थान ट्रस्टच्या संदर्भातील भ्रष्टाचाराचे पुरावे नष्ट केले जाऊ नयेत, यासाठी जिल्हाधिकार्‍यांनी तातडीची कारवाई केली आहे. जिल्हाधिकार्‍यांनी स्वत: पोलीस बंदोबस्तात हे कार्यालय सील केले. शनिशिंगणापूर देवस्थान कार्यालय सील करतांना येथील कार्यकारी अधिकारी मात्र अनुपस्थित होते. यापुढे देवस्थान समितीचा संपूर्ण कारभार प्रशासनाकडे असणार आहे.