सनातन प्रभात > Post Type > बातम्या > राष्ट्रीय बातम्या > Brahmin Reservation : ब्राह्मणांना आरक्षण नाही, हे परमेश्वराचे उपकार ! – नितीन गडकरी, केंद्रीय मंत्री

Brahmin Reservation : ब्राह्मणांना आरक्षण नाही, हे परमेश्वराचे उपकार ! – नितीन गडकरी, केंद्रीय मंत्री

जात नव्हे, तर कर्तृत्व माणसाला मोठे करत असल्याचे प्रतिपादन !

केंद्रीय मंत्री नितीन गडकरी

नागपूर : ब्राह्मण समाजाला आरक्षण दिले नाही, हे मी परमेश्वराचे सर्वांत मोठे उपकार मानतो, असे वक्तव्य केंद्रीय मंत्री नितीन गडकरी यांनी केले.

‘माणूस हा जातीमुळे नव्हे, तर त्याच्या कर्तृत्वामुळे मोठा होतो’, असेही त्यांनी ठामपणे सांगितले. २१ सप्टेंबर या दिवशी ते येथील एका कार्यक्रमात बोलत होते.

ते पुढे म्हणाले की,

‘मी ब्राह्मण आहे; पण मला जात-पात मान्य नाही. माणूस जात, धर्म किंवा लिंग यांवरून नव्हे, तर त्याचे गुण आणि कर्तृत्व यांवरून मोठा होतो.’ त्यांनी उत्तरप्रदेश आणि बिहार येथील ब्राह्मण समुदायाचा उल्लेख करत सांगितले की, तिथे दुबे, त्रिपाठी, मिश्रा आदी ब्राह्मण प्रभावी आहेत; पण महाराष्ट्रात त्यांना विशेष महत्त्व मिळालेले नाही.

नूतन लेख