डेगवे येथे हुतात्मा देवू नाईक यांना श्रद्धांजली

सावंतवाडी – देशाच्या स्वातंत्र्यासाठी इंग्रज अधिकारी सर विल्यम फावरे याला ठार मारल्याचा आरोप स्वत:वर घेऊन देवू नाईक (हळणकर) यांनी फाशीची शिक्षा स्वीकारली होती. हुतात्मा देवू नाईक यांना तालुक्यातील डेगवे गावात फाशी देण्यात आली होती. फाशी दिलेल्या या जागेची १४ ऑगस्ट या दिवशी भाजप बांदा मंडलाच्या वतीने अभियान राबवून स्वच्छता करण्यात आली आणि हुतात्मा नाईक यांना श्रद्धांजली वहाण्यात आली.

या वेळी राष्ट्रीय स्वयंसेवक संघाचे सिंधुदुर्ग जिल्हा संघचालक श्री. अरविंद प्रभाकर कुडतरकर, संघाचे जिल्हा कुटुंब प्रबोधक श्री. भास्कर साधले, संघाचे स्वयंसेवक श्री. मधुकर उमाजी देसाई आणि श्री. स्वप्नील पाडगांवकर, डेगवे सरपंच श्री. राजन देसाई, उपसरपंच श्री. मंगेश देसाई यांच्यासह भाजपचे पदाधिकारी आणि ग्रामस्थ उपस्थित होते.