CRPF Jawan Murder : हरियाणा – रजेवर आलेल्या सैनिकाची गोळ्या झाडून हत्या !

वैयक्तिक शत्रूत्वातून हत्या झाल्याचा प्राथमिक अनुमान

सोनीपत (हरियाणा) – येथे केंद्रीय राखीव पोलीस दलाच्या एका सैनिकाची गोळ्या घालून हत्या करण्यात आली. २७ जुलैच्या रात्री उशिरा ही घटना घडली. गोळ्यांचा आवाज ऐकून कुटुंबातील सदस्य तेथे आले. सैनिकाला तातडीने रुग्णालयात नेण्यात आले. तेथे डॉक्टरांनी त्याला मृत घोषित केले.

लहान मुलाचा जन्म होऊन ३ दिवसच झाले होते !

कृष्णा असे सैनिकाचे नाव असून ते खेडी दमकन गावचा रहिवासी होते. कृष्णा सध्या छत्तीसगडमध्ये तैनात होते आणि १ महिन्याची सुटी घेऊन घरी आले होते. कृष्णा यांना २ मुले असून लहान मुलाचा जन्म अवघ्या ३ दिवसांपूर्वी झाला होता. त्यांची पत्नी अजूनही रुग्णालयात आहे. आरंभीच्या तपासानुसार कृष्णा हरिद्वारला कावड यात्रेसाठी गेले असता त्यांचे तेथे काही तरुणांशी भांडण झाले होते. त्यातून त्यांची हत्या केल्याचे अनुमान आहे.