सनातन प्रभात > Post Type > बातम्या > राष्ट्रीय बातम्या > Pune Traders Boycott Turkish Apples : तुर्कीयेने पाकला पाठिंबा दिल्यामुळे पुणे येथील व्यापार्‍यांचा तुर्कीयेच्या सफरचंदांवर बहिष्कार !

Pune Traders Boycott Turkish Apples : तुर्कीयेने पाकला पाठिंबा दिल्यामुळे पुणे येथील व्यापार्‍यांचा तुर्कीयेच्या सफरचंदांवर बहिष्कार !

आपला देश, आपले राष्ट्र प्रथम ही राष्‍ट्रहितैशी भूमिका व्यापार्‍यांनी घेतली !

पुणे – भारत पाकमधील तणावाच्या परिस्थितीच्या काळात तुर्कीये या देशाने आतंकवाद पोसणार्‍या पाकचीच तळी उचलून धरली. तुर्कीयेने पाकला पाठिंबा दिल्यामुळे अनेक व्यापार्‍यांनी आक्रमक भूमिका घेत तुर्कीयेच्या वस्तूंवर ‘बॅन’ (बहिष्कार टाकणे) केला आहे. व्यापार्‍यांनी आपला देश, आपले राष्ट्र प्रथम ही भूमिका घेतली आहे. ‘बॅन तुर्कीये’ हा ट्रेंड चालवत व्यापार्‍यांनी तुर्कीयेच्या सफरचंदांवर बहिष्कार टाकला आहे, तसेच तुर्कीये सफरचंदाऐवजी इराण, वॉशिंग्टन आणि न्यूझीलँड सफरचंदाला पसंती दिली आहे. इराण, वॉशिंग्टन आणि न्यूझीलँड सफरचंदाच्या भावात पेटीमागे २०० ते ३०० रुपयांची वाढ झाली असल्याची माहिती मार्केट यार्डातील सफरचंदाचे आडतदार, ‘श्री गुरुदेव दत्त फ्रूट एजन्सी’चे सत्यजित झेंडे यांनी दिली.

संपादकीय भूमिका

  • पुणे येथील व्यापार्‍यांनी घेतलेली ही भूमिका अत्यंत स्तुत्य आणि राष्ट्रहितकारक आहे. अशी राष्‍ट्रहितैशी भूमिका सर्वच व्यापार्‍यांनी घ्यायला हवी !
  • व्यापार क्षेत्राचा हा दृष्टीकोन केवळ आर्थिक व्यवहारापुरता मर्यादित न रहाता, परराष्ट्र धोरणावर जनतेच्या भावना कशा प्रकारे प्रभाव टाकू शकतात याचे उत्कृष्ट उदाहरण आहे !
  • भारतातील नागरिक आणि व्यापारी यांनी एकत्र येत अशी भूमिका घेतल्यास, त्याचा जागतिक स्तरावरही परिणाम होणार, हे निश्चित !

नूतन लेख