वर्ष २०१७ मध्ये महाराष्ट्र नेहमीसाठीच ‘करमणूक करमुक्त’ झालेला आहे ! – देवेंद्र फडणवीस, मुख्यमंत्री

मुंबई – छत्रपती संभाजी महाराजांचे शौर्य, वीरता आणि विद्वत्ता प्रचंड होती; पण इतिहासाने त्यांच्यावर मोठा अन्याय केला. अशा छत्रपती संभाजी महाराजांवर आधारित अतिशय चांगला असा चित्रपट बनवण्यात आला आहे. इतिहासाशी कुठलीही प्रतारणा न करता हा चित्रपट बनवण्यात आला. त्यासाठी मी चित्रपटाचे निर्माते, दिग्दर्शक आणि अभिनेते विकी कौशल यांचे अभिनंदन करतो. हा चित्रपट करमुक्त करण्याची मागणी मोठ्या प्रमाणात होत आहे. इतर राज्ये चित्रपट करमुक्त करतात, त्या वेळी करमणूक कर माफ केला जातो; पण महाराष्ट्राने वर्ष २०१७ मध्ये करमणूक कर नेहमीसाठीच रहित केला आहे. चित्रपट करमुक्त करण्यासाठी आपल्याकडे करच नाही; परंतु या चित्रपटाच्या प्रसिद्धीसाठी किंवा छत्रपती शंभूराजेंचा इतिहास प्रत्येकापर्यंत पोचवण्यासाठी अधिक चांगले काय करता येईल, यासाठी आम्ही प्रयत्न करू. छत्रपती संभाजी महाराजांना अपमानित करणार्‍यांना आम्ही त्यांची जागा दाखवू. त्यांना सरकार आणि शिवप्रेमी क्षमा करणार नाहीत.’’