सत्‍संगाचा महिमा

एका साधकाने प्रश्‍न केला, ‘महाराज, परमार्थात सत्‍संगाचे एवढे महत्त्व का ?’ श्रीमहाराज (ब्रह्मचैतन्‍य गोंदवलेकर महाराज) म्‍हणाले, ‘बुद्धी स्‍थिर रहाणे फार कठीण आहे. त्‍यात भगवंताची कृपा आहे; म्‍हणून दांभिक, नास्‍तिक, विरोधी मतांची माणसे संगतीत ठेवू नयेत. त्‍यांच्‍यामुळे बुद्धीभेद होतो आणि तो झाला की, मग आवरत नाही. वाईट संगतीत राहूनही परिणाम न होऊ देणे, हे मोठ्यांचे काम आहे. बुद्धीभेदाला अगदी अल्‍पसे कारण पुरते. त्‍यात आपण स्‍वतःचाच नाश करून घेतो; म्‍हणून सत्‍संगाला अतिशय महत्त्व आहे. ब्रह्मदेव जरी खाली आला, तरी नामाची निष्‍ठा न्‍यून होऊ देऊ नये.’

(साभार : ‘श्रीब्रह्मचैतन्‍य गोंदवलेकर महाराज यांच्‍या हृद्य आठवणी’ या पुस्‍तकातून, लेखक : ल.ग. मराठे)