Uttarakhand Bus Accident : उत्तराखंडमध्ये बस दरीत कोसळून ३६ प्रवाशांचा मृत्यू : अनेक प्रवासी घायाळ

अल्मोडा (उत्तराखंड) – येथील अल्मोडा दरीत १५० फूट खाली प्रवासी बस कोसळून ३६ प्रवाशांचा मृत्यू झाला, तसेच अनेक जण घायाळ झाले. या बसमध्ये ४५ प्रवासी होते. सध्या येथे राज्य आपत्ती निवारण दलाकडून बचावकार्य चालू आहे. घायाळांना जवळच्या रुग्णालयात उपचारांसाठी भरती करण्यात आले आहे. या अपघातावरून उत्तराखंडचे मुख्यमंत्री पुष्कर सिंह धामी आणि पंतप्रधान नरेंद्र मोदी यांनी शोक व्यक्त केला आहे.