पत्नीची हत्या केलेल्या व्यक्तीकडून जोडीदाराचीही हत्या !

नवी मुंबई – मद्याच्या नशेत एका व्यक्तीने ‘लिव्ह इन पार्टनर’ची (विवाहबाह्य संबध असलेल्या जोडीदाराची) हत्या केल्याची घटना घडली आहे. नवी मुंबईत ही घटना घडल्याची माहिती आहे. या प्रकरणी पोलिसांनी ५५ वर्षीय व्यक्तीला पनवेल येथून अटक केली आहे.

वर्ष २००८ मध्ये हा आरोपी त्याच्या पत्नीच्या हत्येप्रकरणात कारागृहात गेला होता. त्याला ५ वर्षांची शिक्षा झाली होती. त्यानंतर कारागृहातून बाहेर आल्यानंतर तो त्याच्या विधवा वहिनीसमवेत राहू लागला, अशी माहिती होती. कमल्या रागो निरगुडा असे आरोपीचे नाव आहे. पनवेल तालुका पोलिसांनी २ नोव्हेंबरला रात्री हत्येनंतर अटक केली आहे.