Rajasthan Missing Woman In Pieces : जोधपूर (राजस्थान) येथे मुसलमानाने हिंदु महिलेची हत्या करून केले ६ तुकडे !

जोधपूर (राजस्थान) : येथे ३ दिवसांपूर्वी बेपत्ता झालेल्या ५० वर्षीय अनिता चौधरी या महिलेचा ६ तुकडे करण्यात आलेला मृतदेह आढळून आला आहे. एका प्लास्टिक पिशवीत हे तुकडे सापडले. आरोपी गुलामुद्दीन उपाख्य गुल महंमद याने त्याच्या  घराशेजारीच महिलेचा मृतदेह पुरला होता. पोलीस गुल महंमद याचा शोध घेत आहेत.

अनिता चौधरी सौंदर्यप्रसाधनगृह चालवत होती. येथूनच ती २८ ऑक्टोबर या दिवशी बेपत्ता झाली होती. येथेच गुल महंमद याचेही दुकान आहे. दोघेही एकमेकांना ओळखत होते. पोलीस या प्रकरणी गुल महंमद याच्या घरी गेले असता तो पसार असल्याचे आढळून आले. पोलिसांनी त्याच्या पत्नीची चौकशी केली असता तिने गुल यानेच अनिताची हत्या केल्याची स्वीकृती दिली. तसेच तिला मारून तिचा मृतदेह प्लास्टिक पिशवीत घालून घराच्या मागे पुरला असल्याचे सांगितले. यानंतर पोलिसांनी बुलडोझर बोलावून घराच्या मागे १२ फुटांचा खड्डा खणल्यानंतर अनिता यांचा मृतदेह आढळून आला. या हत्येमागील कारण अद्याप समजू शकलेले नाही.