Bihar Conversion : बिहारमध्ये मिशनरींकडून हिंदूंना आमीष दाखवून ख्रिस्ती बनवण्याचा प्रयत्न !

सुपौल (बिहार) – येथे नेपाळच्या मिशनरींनी येथील हिंदु गावकर्‍यांना उत्तम अन्न, विनामूल्य शिक्षण आणि आजारांपासून मुक्ती देण्याचे आमीष दाखवून त्यांना ख्रिस्ती पंथ स्वीकारायला लावण्याचा प्रयत्न केल्याचे उघड झाले. जागरूक गावकर्‍यांनी मिशनरींना पोलिसांच्या स्वाधीन केले.

१. मिशनरींचा एक गट नेपाळमधील भंटाबारी येथून आंतरराष्ट्रीय सीमा ओलांडून भीमनगर (बिहार) येथे पोचला. तेथून हा गट बनैलीपट्टीच्या हिंदु वस्तीत पोचला.

२. येथे किशुनदेव राम नावाच्या व्यक्तीच्या घरात एका प्रार्थनासभेचे आयोजन करण्यात आले होते. या सभेला ३० ते ४० लोक उपस्थित होते. या ठिकाणी मिशनरींनी गावकर्‍यांना पैशांचे, आजार बरे करण्याचे आणि चांगल्या अन्नाचे आमीष दाखवून ख्रिस्ती बनण्यासाठी त्यांचा बुद्धीभेद करणे चालू केले.

३. याविषयी माहिती मिळताच इतर गावकरी घटनास्थळी पोचले. त्यांनी मिशनरींच्या धर्मांतराच्या प्रयत्नांना तीव्र विरोध दर्शवला.

४. याविषयी पोलिसांनाही माहिती देण्यात आली. पोलिसांनी ४ मिशनरींना कह्यात घेतले आणि चौकशीसाठी वीरपूर पोलीस ठाण्यात नेले.

५. गावकर्‍यांनी केलेल्या तक्रारीच्या आधारे पोलिसांनी आरोपींच्या विरोधात गुन्हा नोंदवला आहे. या प्रकरणी पोलीस पुढील अन्वेषण करत आहेत.