भाजप १६० हून अधिक जागा लढण्याचे संकेत

मुंबई – विधानसभा निवडणुकांसाठी भाजप १६० ते १६४ जागा लढणार असल्याची चर्चा सर्वत्र आहे. असे झाल्यास शिवसेना आणि राष्ट्रवादी काँग्रेस हे दोन्ही पक्ष अन् घटक पक्ष यांच्या वाट्याला मिळून १२५ ते १३० जागा येण्याची शक्यता आहे. यात अजितदादा ७० जागांवर ठाम आहेत. तर एकनाथ शिंदेही ८० जागांच्या सिद्धतेत आहेत. महायुतीचे आपापसातील जागावाटप मात्र अद्याप निश्चित नाही.

येत्या दहा ते पंधरा दिवसांत निवडणूक आयोग यासंबंधी पत्रकार परिषद घेत वेळापत्रकाची घोषणा करण्याची शक्यता आहे. नोव्हेंबर महिन्याच्या दुसर्‍या आठवड्यात म्हणजे १० ते २० नोव्हेंबर या काळात निवडणुका लागण्याचे संकेत मुख्यमंत्री एकनाथ शिंदे यांनी दिले होते.