‘एका साधकाकडे १९.८.२०२३ या दिवशी वास्तूदोष निवारणार्थ रत्नसंस्कार विधी करण्यात आला. या विधीचे महर्षि अध्यात्म विश्वविद्यालयाच्या वतीने ‘युनिव्हर्सल ऑरा स्कॅनर’ या उपकरणाद्वारे संशोधन करण्यात आले. या उपकरणाद्वारे वस्तू, वास्तू आणि व्यक्ती यांच्यातील नकारात्मक अन् सकारात्मक ऊर्जा मीटरमध्ये मोजता येते. रत्न संस्कार विधी केल्याने वास्तूवर सकारात्मक परिणाम होतात, हे या संशोधनातून सिद्ध झाले. या संशोधनांतर्गत केलेल्या चाचण्यांतील निरीक्षणांचे विवेचन पुढे दिले आहे.
१. आध्यात्मिक स्तरावरील उपाय (टीप) केल्याने रत्नांवरील त्रासदायक (काळ्या) स्पंदनांचे आवरण नाहीसे होऊन सकारात्मक स्पंदनांमध्ये पुष्कळ वाढ होणे
कलियुगातील वातावरण रज-तमप्रधान असल्याने रत्नांवर त्रासदायक स्पंदनांचे आवरण असते. त्यामुळे रत्नांवर आध्यात्मिक उपाय करून त्यांची शुद्धी करून मगच त्यांचा उपयोग विधीत करावा.
२. रत्न संस्कार विधी केल्यावर भूमीतील नकारात्मक स्पंदने नाहीशी होऊन भूमीत पुष्कळ सात्त्विकता निर्माण होणे
रत्न संस्कार विधी करण्यापूर्वी घरातील प्रत्येक दिशेकडील भूमीची निरीक्षणे करण्यात आली. तेव्हा भूमीत सकारात्मक स्पंदने काहीच नसून पुष्कळ नकारात्मक स्पंदने आढळून आली. रत्न संस्कार विधी केल्यानंतर मात्र भूमीतील नकारात्मक स्पंदने नाहीशी होऊन भूमीत पुष्कळ सात्त्विकता निर्माण झाली. रत्न संस्कार केलेल्या प्रत्येक दिशेची निरीक्षणे पुढील सारणीत दिली आहेत.
३. रत्नसंस्कार विधीमुळे घरातील नकारात्मक स्पंदने नाहीशी होऊन घरामध्ये पुष्कळ सात्त्विकता निर्माण होणे
‘रत्नसंस्कार विधीचा घरावर काय परिणाम होतो ?’, हे अभ्यासण्यासाठी विधीपूर्वी आणि विधीनंतर घराची छायाचित्रे काढून त्यांची निरीक्षणे करण्यात आली. या निरीक्षणांतून लक्षात आले की, विधीपूर्वी घरात सकारात्मक ऊर्जा काहीच नसून ७४१.५० मीटर नकारात्मक ऊर्जा होती. विधीनंतर मात्र घरातील नकारात्मक ऊर्जा नाहीशी होऊन घरात ३६१.५० मीटर एवढी सकारात्मक ऊर्जा निर्माण झाली. थोडक्यात ज्या उद्देशाने घरात रत्न संस्कार विधी करण्यात आला, तो सफल झाला. हे संशोधन श्रीगुरूंच्या (सच्चिदानंद परब्रह्म डॉ. आठवले यांच्या) कृपेने यशस्वी झाले, यासाठी त्यांच्या चरणी कोटीशः कृतज्ञता !’
– श्री. धनंजय कर्वे, वास्तू अभ्यासक, फोंडा, गोवा आणि सौ. मधुरा कर्वे, महर्षि अध्यात्म विश्वविद्यालय, गोवा. (२०.८.२०२३)
|
पू. (श्रीमती) शेऊबाई लोखंडेआजी यांनी देहत्याग केल्यानंतरच्या त्यांच्या छायाचित्रांतून उत्तरोत्तर अधिक प्रमाणात चैतन्य प्रक्षेपित होणे
ठाणे येथील शास्त्रीय गायक पंडित संजय मराठे यांचे निधन !
श्री शाकंभरीदेवी यागाचा यागातील घटकांवर सकारात्मक परिणाम होणे 
‘महर्षि अध्यात्म विश्वविद्यालया’च्या अंतर्गत हाता-पायांच्या तळव्यांवरील रेषांच्या संदर्भातील संशोधन कार्यात सहभागी होऊन साधनेच्या सुवर्णसंधीचा लाभ घ्या ! 
सनातनच्या ५८ व्या संत पू. (कै.) श्रीमती विजयालक्ष्मी काळेआजी (वय ८८ वर्षे) यांच्या मृत्यूत्तर सूक्ष्मातील प्रवासाचे सुश्री मधुरा भोसले यांनी केलेले सूक्ष्म परीक्षण !