बहिण लाडकी असेल, तर तिच्या अत्याचाराची वेळ येऊ देऊ नका ! – राज ठाकरे, अध्यक्ष, मनसे

मुंबई – मुख्यमंत्र्यांच्या जिल्ह्यात कायदा धाब्यावर बसवला जात असेल, तर अन्य ठिकाणांची परिस्थिती काय असेल ? याची कल्पना पण करवत नाही. ‘लाडकी बहीण’ योजनेच्याद्वारे सरकार स्वतःचे कौतुक करून घेण्यात मग्न आहे; पण बहीण खरोखर लाडकी असेल, तर तिच्यावर अत्याचाराची वेळ येऊ देऊ नका, असे आवाहन मनसेचे अध्यक्ष राज ठाकरे यांनी ‘एक्स’ खात्यावरून केले आहे. यामध्ये त्यांनी म्हटले आहे की, कुणा महिलेवर दुर्दैवाने अत्याचार झालाच, तर तिला न्याय मिळेल, हे पहाणे आपले कर्तव्य नाही का ? बहिणींना पैसे देऊन स्वतःचा प्रचार करण्यापेक्षा त्या सुरक्षित आहेत, ही भावना निर्माण करणे आवश्यक !’’