तीर्थक्षेत्र आणि धार्मिक शहर असलेल्या चित्रकूटमध्ये एका संतांचे घर लुटणार्‍यांवर २ महिन्यांनातरही कारवाई नाही !

चित्रकूट (मध्यप्रदेश) – येथे २ जून या दिवशी काही गुंडांनी महात्मा मौनीजी यांच्या घरात बलपूर्वक घुसून त्यांचे घर लुटले. गुंडांनी महात्मा मौनीजी यांच्या सामानाची नासधूस करून ते बाहेर फेकून दिले आणि नंतर मंदिर अन् त्यांचे घर कह्यात घेतले. या प्रकरणी नायगाव पोलिसांनी अद्याप आरोपींच्या विरोधात गुन्हा नोंदवलेला नाही. हे सर्व पोलिसांच्या संगनमताने घडले आहे, असा आरोप मौनीजी यांनी केला आहे.