कै. (श्रीमती) आदिती देवल यांच्या पार्थिवाचे दर्शन घेतांना श्री. राम होनप यांनी केलेले सूक्ष्म परीक्षण !

‘८.७.२०२४ या दिवशी श्रीमती आदिती देवल यांचे निधन झाले. ९.७.२०२४ या दिवशी त्यांच्या पार्थिवाचे दर्शन घेतांना देवाच्या कृपेने माझ्याकडून झालेले सूक्ष्म परीक्षण पुढे दिले आहे.

१. काकूंच्या देहातून वातावरणात पुष्कळ चैतन्य प्रक्षेपित होत होते.

२. त्यांच्या चेहर्‍याकडे पाहिल्यावर मला ईश्वरी आनंदाची अनुभूती येत होती.

३. काकूंच्या डोक्यापासून ३ मीटर अंतरावर मला त्यांचा पांढर्‍या रंगाचा आणि गोल आकारातील लिंगदेह दिसला. मी त्या लिंगदेहाकडे पाहिल्यावर तो मला म्हणाला, ‘मला परात्पर गुरु डॉ. आठवले यांची पुष्कळ आठवण येत आहे.’

– श्री. राम होनप (सूक्ष्मातून प्राप्त झालेले ज्ञान), सनातन आश्रम, रामनाथी, गोवा. (१०.७.२०२४)

श्री. राम होनप यांचा प्रश्न : ‘मी काकूंच्या पार्थिवाचे दर्शन घेत असतांना त्यांचा लिंगदेह मला सूक्ष्मातून म्हणाला, ‘मला ‘साखरेचा शिरा आणि त्यावर साजूक तूप’, खाण्याची इच्छा आहे. नंतर (निधनानंतरच्या १० व्या दिवशीच्या विधीच्या वेळी) मला तो हवा आहे.’

१०.७.२०२४ या दिवशी मी देवलकाकूंची कन्या सौ. राजलक्ष्मी जेरे (आध्यात्मिक पातळी ६२ टक्के) यांना अनौपचारिकपणे विचारले, ‘‘देवलकाकूंना साखरेचा शिरा आवडायचा का ?’’ तेव्हा त्या म्हणाल्या, ‘‘हो. आवडायचा.’’

वरीलप्रमाणे काकूंच्या दहाव्याला ‘साखरेचा शिरा आणि त्यावर साजूक तूप’, असे द्यायचे का ?

सच्चिदानंद परब्रह्म डॉ. जयंत आठवले : हो.

सूक्ष्म : व्यक्तीचे स्थूल म्हणजे प्रत्यक्ष दिसणारे अवयव नाक, कान, डोळे, जीभ आणि त्वचा ही पंचज्ञानेंद्रिये आहेत. ही पंचज्ञानेंद्रिये, मन आणि बुद्धी यांच्या पलीकडील म्हणजे ‘सूक्ष्म’. साधनेत प्रगती केलेल्या काही व्यक्तींना या ‘सूक्ष्म’ संवेदना जाणवतात. या ‘सूक्ष्मा’च्या ज्ञानाविषयी विविध धर्मग्रंथांत उल्लेख आहेत.

सूक्ष्मातील दिसणे, ऐकू येणे इत्यादी (पंच सूक्ष्मज्ञानेंद्रियांनी ज्ञानप्राप्ती होणे) : काही साधकांची अंतर्दृष्टी जागृत होते, म्हणजे त्यांना डोळ्यांना न दिसणारे दिसते, तर काही जणांना सूक्ष्मातील नाद किंवा शब्द ऐकू येतात.