Delhi Bulldozer Action : देहलीमध्ये मशिदीचा अवैध भाग पालिकाने पाडला !

कारवाईच्या वेळी मुसलमानांकडून विरोध करत दगडफेक

नवी देहली – देहलीच्या मंगोलपुरी येथील मशिदीच्या अवैध बांधकामावर देहली महापालिकेने कारवाई केली आहे. मशिदीचे बेकायदा बांधकाम हटवतांना बराच गदारोळ झाला होता. या गदारोळात मशिदीचा अवैध भाग पाडण्यात आला, तसेच अन्य अवैध पाडण्यात आली. या वेळी मोठा पोलीस बंदोबस्त ठेवण्यात आला होता. मुसलमानांकडून या कारवाईला विरोध करण्यात आला. या बांधकामांच्या विरोधात तक्रारी आल्यानंतर ही कारवाई करण्यात आली.

पोलीस आणि पालिका कर्मचारी कारवाईच्या ठिकाणी पोचल्यावर मुसलमान महिला अन् पुरुष मशिदीवर चढले आणि त्यांनी कारवाईला विरोध केला, तसेच दगडपेकही केली. त्यांचा विरोध झुगारून मशिदीचा बेकायदेशीर भाग पाडून टाकण्यात आला.