मुख्यमंत्र्यांच्या उपस्थितीत शिवसेनेचे उमेदवार धैर्यशील माने यांच्याकडून आवेदन प्रविष्ट !

कोल्हापूर – मुख्यमंत्री एकनाथ शिंदे यांच्या प्रमुख उपस्थितीत शिवसेनेचे उमेदवार धैर्यशील माने यांनी हातकणंगले लोकसभा मतदारसंघासाठी १५ एप्रिलला निवडणूक अधिकार्‍यांकडे आवेदन प्रविष्ट केले. दोन दिवसांपूर्वी अपक्ष आमदार प्रकाश आवाडे यांनी लोकसभा निवडणूक लढवण्याचे घोषित केले होते; मात्र मुख्यमंत्र्यांच्या शिष्टाईनंतर त्यांनी माघार घेत धैर्यशील माने यांना पाठिंबा घोषित केला. या प्रसंगी राज्याचे उच्च आणि तंत्रशिक्षणमंत्री चंद्रकांत पाटील, जनसुराज्य शक्ती पक्षाचे आमदार विनय कोरे यांसह अन्य उपस्थित होते. स्वाभिमानी शेतकरी संघटनेचे संस्थापक राजू शेट्टी यांनीही हातकणंगले मतदारसंघासाठी आवेदन प्रविष्ट केले. कोल्हापूर लोकसभा मतदारसंघातून शिवसेनेचे उमेदवार संजय मंडलिक यांनी आवेदन प्रविष्ट केले.